დომენიკოს (ფოტო) ბლოგნოტი

ელექტრონიკის ქართული მაღაზიების მიმოხილვა - aka Review

2011-12-11T09:15:00.000-08:00

მიცვალებული ადგაო, ამაზეა ნათქვამი. ბლოგის განახლება გადავწყვიტე :) რატომ და რისთვის - ვის ადარდებს?! მთავარია რამე ისეთი დავწერო, სხვასაც რომ გამოადგეს. მოკლედ, დღეს მე გაგიზიარებთ ჩემს გამოცდილებას ელექტრონიკის რამდენიმე ქართულ მაღაზიაზე, რომელთანაც პირადად მქონია შეხება. შესავალი საკმარისია, გადავიდეთ საქმეზე:

ორი სიტყვა პოსტის სტრუქქტურაზეც - მაღაზიებს განვიხილავ მხოლოდ იმ პროდუქტების ჭრილში, რომელიც მე შემიძენია და არა ზოგადად (მაცივარი და მტვერსასრუტი არასდროს მიყიდია და არ ვიცი რომელი მაღაზია რა არჩევანს/მომსახურებას სთავაზობს კლიენტს).

ნაწილი 1
სად შევიძინოთ ფოტოაპარატი
აქ აუცილებელია გავარჩიოთ ერთმანეთისგან სამომხმარებლო კომპაქტური და პროფესიონალურსრომეძახიან ტიპის ფოტოაპარატები.

პირველი კატეგორიის აპარატებს ფაქტიურად ყველგან შეიძენთ. მთავარია ყიდვისშემდგომი მომსახურება - aka სერვისი. მე რამდენიმე წლის წინ ელიტ ელექტრონიქსში ჩემს ახლობელს ვაყიდინე აქციის ფარგლებში კოდაკის კომპაქტური ფოტოაპარატი. საშინელება გამოდგა, ელემენტი მალევე მოკვდა და გარანტიის პირობებიც იმდენად ბუნდოვანი იყო, არც გვიფიქრია მიგვებრუნებინა. მომსახურების დაბალი ხარისხით გამოირჩეოდა ოდითგანვე ეს მაღაზია. კონსულტანტებმა ფასების გარდა პროდუქციაზე ფაქტიურად არაფერი იციან. ელიტ ელექტრონიქსს კომპიუტერების თემასთან ერთად კიდევ მივუბრუნდები. სავაჭრო ცენტრი კიდობანი არის ერთერთი ალტერნატივა. ფასები ძალიან კონკურენტუნარიანია, საგარანტიო პირობები - ნაგავი. ძირითადად გეტყვიან, რომ თუ 3 დღეში აღმოუჩენთ დეფექტს, გამოგიცვლიან (ვითომ?), თუარადა მერე თავში ქვა გიხლიათო.

რაც შეეხება შედარებით ძვირადღირებულ ე.წ. პროფესიონალურ და ნახევრად პროფესიონალურ აპარატებს. აქ არჩევანი მცირეა. კიდობანი აქაც ფიგურირებს, იგივე პირობებით. მე ჩემს მეგობარს ვაყიდინე Nikon D3100 კიტ ლინზით საკმაოდ კარგ ფასად. აპარატი ახლაც კარგად მუშაობს და იმედია არც არაფერი გაუჭირდება, რადგან საგარანტიო პირობები ნაგავია. რა თქმა უნდა უკეთესია, თუ ასეთ ძვირადღირებულ აპარატს შეიძენთ რომელიმე მაღაზიაში, სადაც კარგად მოგემსახურებიან და გარანტიასაც მოგცემენ. ასეთი მაღაზიებია hotspot (www.hotspot.ge) და Go Electronics. თითოეულს აქვს თავისი დადებითი მხარეები. ჰოთსპოტი ახალი მაღაზიაა და კარგი პირობებით შემოვიდა ბაზარზე. აქვს საკმაოდ გამართული ინტერნეტ-მაღაზია და სწრაფი ადგილზე მიტანის სერვისი მთელი საქართველოს ტერიტორიაზე. მაგრამ ის, რაც გამოარჩევს ჰოთსპოტს სხვა მაღაზიებისგან, არის ფულის უკან დაბრუნების პირობა - 7 დღის განმავლობაში მაღაზია მზად არის დაიბრუნოს გაყიდული პროდუქტი და თქვენი ფული უკან გადმოგცეთ!
Go Electronics ჩემს სიმპათიას იმსახურებს იმ მიზეზით, რომ არის რამდენიმე ბრენდის ოფიციალური რესელერი და არა თვითმარქვია გამყიდველი, როგორც სხვა მაღაზიები. ფოტოაპარატებში საკმაოდ დიდი არჩევანი აქვთ. იქ იპოვით ნებისმიერი ფასის და კლასის ფოტოაპარატს. ასევე, ოტპიკას სარკული ფოტოაპარატებისთვის (მათ შორის ცაისის ლინზები ნიკონზე და ქენონზე) და ფოტოაპარატის სხვა მრავალ აქსესუარს, რაც იშვიათი ფუფუნებაა ქართული რეალობისთვის. კონსულტანტები ერკვევიან თავის საქმეში და არც აგრესიულები არიან.

და აქვე მცირე სარეკლამო ჭრა =) გადაათვალიერეთ ჩემი ფოტოები გოუ ელექტრონიქსში ნაყიდი ობიექტივით: http://www.flickr.com/photos/donshakal/ რეკლამის დასასრული

არის კიდევ ერთი ნაკლებად ცნობილი ადგილი (aka ტოჩკა). ეძახიან თურმე ზახარას მაღაზიას და კოდაკის მაღაზიას. ეს არის საბითუმო მაღაზია, მფლობელი მას და Go Eletronics-ს ერთი ჰყავთ, მაგრამ, ეჭვი მაქვს, გოუ-სგან განსხვავებით მმანდ "5 ლარს ხომ დამიკლებ" გაჭრის და მე ასეც მოვქცეულვარ რამდენიმე შემთხვევაში :) ეს მაღაზია არის ვაგზალზე და რამდენიც არ უნდა ვწერო, ვერაფრით აგიხსნით. ვეცდები რუკაზე მოვნიშნო

View Larger Map

რამდენიმე სიტყვა მეორად ბაზარზეც უნდა ვთქვა. საყოველთაოდ ცნობილია mymarket.ge და ფორუმები (ბოკე, გრაფ.გე). ბევრი კარგი რამის შოვნა შეიძლება, ძველი ოპტიკა, რომელიც უკვე აღარ იწარმოება, ასევე ფირის აპარატები, ფირები და ა.შ. სიფრთხილის გამოჩენა აუცილებელია, გასაგები მიზეზის გამო. ეს არის ფაქტიურად მშრალი ხიდი ინტერნეტში - აქვე, რადგან სიტყვამ მოიტანა, მშრალ ხიდზე ერთი კაცი ყიდის ბევრ კარგ რამე-რუმეებს, თუ ძველმანების მოყვარული ხართ. კარგი ვინმეა, თან აგიხსნით ყველაფერს დაუზარებლად და კარგ რჩევებსაც მოგცემთ.

პირველი ნაწილის დასასრული

Film

2011-09-08T01:06:00.000-07:00

ფირი. just 35მმ ფირი. დამუშავების და PS-ში გაკეთილშობილების გარეშე.

I shoot film

Musée du Louvre

2011-03-07T05:06:00.001-08:00

Musée du Louvre, originally uploaded by donshakal [Levan Verdzeuli photography].

one of the few film shots from Paris.

20.10.2010

2010-10-20T00:30:00.000-07:00

ესეც ხო მაგარია ? 20–10, 2010 ანუ ოცი ათი ოცი ათი.
ვობშემ, ნიჩევო :)) ან ის ათი ათი ათი რა იყო იმხელა ამბავი რო ატყდა. დაჟე ზოგზე გავიგე მაგ დღესთან დაკავშირებით უქეიფიათ :) ფლიკრიც გაივსო თემატური ფოტოებით
http://blog.flickr.net/en/2010/10/20/101010-itrw-in-the-real-world/

Zenit EM

2010-10-18T02:41:00.001-07:00

Zenit EM, originally uploaded by donshakal [Levan Verdzeuli photography].

ჩვენი ოჯახის ახალი წევრი. ზენიტი ჟენია

ჩემი Flickr

2010-08-03T00:06:00.001-07:00

The Moon, originally uploaded by donshakal.

სამწუხაროდ ჩემი ფლიკრის ექაუნთი იწურება და საჭიროებს განახლებას.

ვეძებ სპონსორს :)

:(

2010-07-23T04:03:00.001-07:00

:(, originally uploaded by donshakal.

verafers vambob da es mitrialebs sul tavshi

სადღაც ლამპიონთა ღაღანია,
სადღაც ცეკვაა და არღანია,
სადღაც ვაჭრობაა გაგანია,
ვიღაც მდიდრდება და წუწკობს.
აქ კი აღარც თორღვა ძაგანია,
აღარც ფარ-შუბების ჭახანია,
მშველელს ელოდება რა ხანია
ბეჭებგაბზარული მუცო

დაგეგმილი ცხოვრება

2010-07-22T02:16:00.000-07:00

მომბეზრდა.
იმდენად მომბეზრდა, რომ ვრცლად დაწერაც არ შემიძლია
გამგებნი გაიგებთ.
მინდა ჩანთა, ჩემი აპარატები და გზა. მეტი არაფერი

ეს გზა თუ იქნება, მთლად უკეთესი: http://www.flickr.com/photos/donshakal/3781007272/

სიყვარული, ხანძარი და პომპიერო

2010-07-14T06:57:00.000-07:00

ესეიგი, სიუჟეტს მოვკარი თვალი, ჩვენს სახანძრო სამსახურს გაუკეთებია ტყეში ხანძრის იმიტაცია. ანუ თავადვე გააჩინეს ხანძარი და მერე თავადვე ჩააქრეს! ტრეინინგს გადიან.
მე მხოლოდ მივესალმები მეხანძრეების სწავლებას,
მაგრამ ამ სიუჟეტმა მე რა გამახსენა? "სიყვარული, ხანძარი და პომპიერო" :))))

ზარმაცა

2010-07-01T00:54:00.000-07:00

ჩემს თავზე არ ვწერ, ცხოველია ასეთი, თუმცა მეც არანაკლები ზარმაცა ბლოგერი გამოვედი.

მეპატიება. უნივერსიტეტის დამამთავრებელი პროცედურებით ვიყავი დაკავებული.

სხვა სიახლეებიც ბევრია. განსაკუთრებით ახალი აპარატი – ჯედაია დავარქვი. ბენჟი ცოტა ეჭვიანობს, მაგრამ სამივენი ერთად დავდივართ ხოლმე და ამით იქარვებს სევდა–ნაღველს.

ა ბატონო, ჩემი ჯედაია:

სანამ დაკარგული ვიყავი, მოვასწარი მასონური ამერიკის მოვლა. თუ ძალიან არ გავზარმაცდი, შთაბეჭდილებებს ერთ პოსტს მივუძღვნი.

ახლა კი გაიცანით ზარმაცა:

ინგლისურად Sloth, რუსულად ленивец

ძირითადად ტროპიკებში ბინადრობენ და ცხოვრების უმეტეს ნაწილს ხეზე ატარებენ. გადაადგილდებიან მხოლოდ განსაკუთრებული საჭიროების შემთხვევაში. შესაბამისად ძირითადად უძრავად არიან და მათ ტანზე ბეწვში წყალმცენარეები ეზრდებათ, ასე რომ საკვებადაც მას იყენებენ. ზარმაცები ხეებიდან მხოლოდ მოსასაქმებლად ჩამოდიან, ისიც კვირაში ერთხელ!!! ხეზე დიდხანს ყოფნის შემდეგ, შეიძლება მობეზრდეთ კიდეც იქ ყოფნა. ამ შემთხვევაში უბრალოდ კლანჭებს უშვებენ ტოტებს და ასე ჩამოდიან მიწაზე, ეზარებათ ჩამობობღება!

ასეთი საყვარლები არიან.

ერთი ვიდეოც:

Forrest Gump

2010-06-17T16:10:00.001-07:00

Washington Monument, originally uploaded by donshakal.

ეს კადრი სულ ამ ფილმს მახსენებს...

"That's all I have to say about that."

გვარ–სახელები საქართველოში

2010-05-19T23:35:00.000-07:00

ვიწყებ გვარებით:

გვარი თურმე საქართველოში მე–6 საუკუნიდან გვხვდება. თუმცა დღევანდელი გვარების უმეტესობა მე–14–15 საუკუნეებში გაჩნდა. დღეს არსებული გვარებიდან ყველაზე ძველია გრძელიძე (1028 წ), ასევე ძველი გვარებია ყანჩაველი (1030 წ), დადიანი (1030 წ) და დვალი (1030 წ).

გვარების დაბოლოებებზე: ყველაზე ხშირად გვხვდება –ძე –ზე დაბოლოებული გვარები. ასევე საინტერესოა, რომ –ია –ზე დაბოლოებული გვარების უმეტესობა გვხვდება თბილისსა და იმერეთში (და არა სამეგრელოში LOL). რაც შეეხება –იან–ებს, თურმე საქართველოს სვა კუთხეებში 112,000 იანი გვხვდება, ხოლო სვანეთში სულ 26,000 ცხოვრობს :))

ყველაზე გავრცელებული გვარია ბერიძე (24,797). ასევე კაპანაძე (18,550), გელაშვილი (17,995), მაისურაძე (16,515) და გიორგაძე (14,582).

გვარებზე კიდევ ერთი საინტერესო და სახალისო სტატისტიკა: საქართველოში უფრო მეტი ოგანეზოვი ცხოვრობს, ვიდრე მიმინოშვილი, შანიძე და ყოფშიძე :)

ახლა სახელებზე:

ყველაზე გავრცელებული სახელები – გიორგი და თამარი

300 ყველაზე გავრცელებული სახელიდან ასეთ საინტერესო ფაქტს გთავაზობთ: საქართველოში უფრო მეტი მაყვალაა, ვიდრე თორნიკე. ასევე, ჟუჟუნა და ვენერა უფრო გავრცელებულია, ვიდრე არჩილი.

სახელებზე რომ ვლაპარაკობ, აუცილებლად უნდა ჩავხედო კახეთს და ვნახო მიხო და მარო ლიდერობენ თუ არა. აღმოჩნდა, რომ არ ლიდერობენ. კახეთში ყველაზე ბევრი გიორგი და თამარი ცხოვრობს, ხოლო მიხო (მიხეილი) და მარო (მარიამი) მე–10 და მე–5 ადგილებზე არიან.

უცნაური ხალხი ვართ ქართველები. აღმოჩნდა, რომ 918 კაცს ქვია გიული და 148–ს კიდევ ია.

მაგრამ ეს კიდევ რა არის. პოსტის ბოლოს გთავაზობთ სხვა საინტერესო სახელებს:

მაუზერი (3), სერჟანტი (23), მარშალი (3), ნაჩალნიკი (5), გენია (70), უნარი (17), ვალუტა (37), მაგნიტი (6), პარნიკი (26)

რა კარგია, ლევანი რომ დამარქვეს მშობლებმა და არა, მაგალითად, პარნიკი.

წყარო: "გვარ–სახელები საქართველოში" (ავთანდილ სილაგაძე, ანზორ თოდაძე)

ღვინო, დუდუკი, ქალები

2010-05-19T03:15:00.000-07:00

3სახური

2010-05-17T22:07:00.000-07:00

ესეიგი,

რაც დათბა, წვიმამ ცოტა ინამუსა და მზეც ადრე ამოდის, მეც ადრე ვიღვიძებ. ან შედეგის თქმა პირიქითაც შეიძლება – გვიანობამდე ვეღარ მძინავს.

შესაბამისად, სამსახურშიც დროულად მოვდივარ. ხოდა აღმოვაჩინე, რომ სამსახურში დაგვიანება საინტერესო ფილმის შუიდან ყურებას გავს. აბა წარმოიდგინეთ :) რამდენ რამეს ვტოვებდი თურმე.

გადასაღები კიდევ ბევრია!

2010-05-17T03:38:00.001-07:00

გადასაღები კიდევ ბევრია!, originally uploaded by PURPLE Tako.

Louvre

2010-05-03T07:19:00.001-07:00

Louvre, originally uploaded by donshakal.

who said man can't fly?!

2010-04-17T05:00:00.001-07:00

who said man can't fly?!, originally uploaded by donshakal.

ხელოსნურ–ქართული საავტომობილო ლექსიკონი

2010-04-14T03:26:00.000-07:00

რაც აკლია, კომენტარებში შევავსოთ. ზოგიერთი "თარგმანი" ჩემი მოფიქრებულია. ექვემდებარება განხილვას :D

ა

აბლიცოვკა – წინა პანელი

ატვიორტკა – სახრახნისი

ბ

ბაბინა – კოჭა

ბარაბანი – მუხხრუჭის დოლაბი

ბენდექსი – ელ–მაგნიტური ხვია (სოლენოიდი)

ბლიჟნი – ახლომაშუქი

ბრიზგავიკი –

ბარდაჩოკი – ხელთათმანების ყუთი

გ

გალოვკა –

გლუშიწელი (გრუჩიწელი) – მაყუჩი

დ

დალნი – შორსმაშუქი

დაჩიკი – მაჩვენებელი

დეტონაციის დაჩიკი – დეტონაციის სენსორი

ვ

ვალი – ლილვი

ვკლადიში –

ვოზდუხამერი –

ზ

ზაპასკა – სათადარიგო საბურავი

ზაპასკის ჩეხოლი – სათადარიგო საბურავის შალითა

კ

კალენვალი – მუხლა ლილვი

კალოდკა – ხუნდი

კარდანი – კარდანის ლილვი

კარობკა – სიჩქარის/გადაცემათა კოლოფი

კლაპანი – სარქველი

კლაპნის პრუჟინა – სარქველის ზამბარა

კლუჩი – გასაღები, ქანჩგასაღები

კოლიცოები – დგუშის რგოლები

კრესტავინა – ჯვარედინი

ლ

ლამბდა (კატალიზატორის დაჩიკი) – ჟანგბადის სენსორი

ლებიოდკა – ჯალამბარი

ლიუფტი – ფოლხვა

მ

მალიარი – მღებავი

მატარისტი – ძრავის ხელოსანი

მატორი – ძრავი

მატორის კრიშკა – მატორის ხუფი

მახავიკი – მქნევარა

მიგალკა, პავაროტნიკი – მაჭუტი

ნაკანეჩნიკი – ბურთულა სახსარი

ნასოსი – ტუმბო

პ

პადვესკა (ხადავოი) – დაკიდების სისტემა

პადკარობოჩნი – კოლოფის დამჭერი

პადმატორნი რეზინა – ძრავის დამჭერი

პაკრიშკა – საბურავი

პარპიზი (ლაბავოი) – საქარე მინა

პაჩებნიკი –

პედალი – სატერფული

პლოცკოგუბცი, პლოცკო – ბრტყელტუჩა

პომპა – წყლის ტუმბო

პორშენი – დგუში

პრაკლადკა – საფენი

პრისკი – შესხურება

პრუჟინა – ზამბარა

ჟ

ჟესწიანჩიკი – მეთუნუქე

ჟიდკოსწი – სითხე

რ

რაზდატკა – გამანაწილებელი

რაზვადნოი კლუჩი – ქანჩქამანდი

რაზვალი – თვლების ნახარი

რასპრედვალი – გამანაწილებელი ლელვი

რემენი – ღვედი

რული – საჭე

რუჩნიკი – ხელის მუხრუჭი

ს

სალიარკა – სოლიარის ზეთი

სალნიკი – ჩობალი

სვეჩი – (აალების) სანთელი

სიდენია – სავარძელი

სტარტერი – ამძრავი

სტუპიცა –

სუპორტი – ხუნდის ბუდე

სუხოი ამორტიზატორი – მშრალი ამორტიზატორი

ტ

ტალკატელი –

ტოკარი – ხარატი

ტორმუზი – მუხრუჭი

შ

შატუნი – ბარბაცა

ც

ცეპლენია – გადაბმულობა (მე კონუსი უფრო მომწონს)

ხელოსნების თემაზე ერთი კარგი ფოტო–პოსტი მაქვს კიდევ მომზადებული და მალე გამოვაქვეყნებ :))

დამატებები:

აპორნი დისკი – საყრდენი ფირფიტა, საყრდენი დისკი

tasty madness

2010-04-08T05:48:00.001-07:00

tasty madness, originally uploaded by donshakal.

წერის მუღამზე არ ვარ და როგორც იქნა შესაბამისი სურათი ვიპოვე, ჩემს განწყობას რომ შეეფერება :)

when tired of all these...

აღდგომა და ხვალაო

2010-03-30T02:54:00.001-07:00

Easter, originally uploaded by donshakal.

Earth Hour - დღეს

2010-03-26T23:56:00.000-07:00

Earth Hour - ეს არის გლობალური ღონისძიება. ტარდება ყოველი წლის მარტის ბოლო შაბათს (2007 წლის შემდეგ), ადგილობრივი დროით 20:30-დან 21:30-მდე. მონაწილეები ამ დროის განმავლობაში აქრობენ ყველა არასაჭირო შუქს და თიშავენ ყველა არააუცილებელ ელექტრომოწყობილობას. მიზანი - კლიმატის ცვლილების საკითხების წამოწევა.

2007 წელს მონაწილეობა მიიღო 2.2 მილონმა ადამიანმა;

2008 წელს ღონისძიება უფრო მასშტაბური გახდა - მონაწილეობა მიიღო 35-მა ქვეყანამ, 371-მა ქალაქმა და 100 მილიონამდე ადამიანმა;

2009 წელს - 88 ქვეყანა, 4000-ზე მეტი ქალაქი და რამდენიმე ასეული მილიონი ადამიანი.

ამ ღონისძიებაზე ძალიან მაგარ სურათებს იღებენ ხოლმე, რამდენიმე ნიმუში:

კანბერა

სიდნეი

ჩვენ ამ ღონისძიებაში მონაწილეობას არ ვიღებთ, სხვა პრობლემებიც გვყოფნის მოსაგვარებლად :)

Clint Eastwood

2010-03-26T13:15:00.000-07:00

კლინტონ (კლინტ) ისთვუდი - მსახიობი, რეჟისორი, პროდიუსერი და კომპოზიტორი.

დაიბადა 1930 წლის 31 მაისს

მიღებული აქვს კინოაკადემიის 5 ჯილდო, 5 ოქროს გლობუსი, 5 ხალხის არჩევანი.

მონაწილეობა აქვს მიღებული 59 ფილმში და 9 ტელეპროექტში. გადაღებული აქვს 31 ფილმი, ამათგან 7-ში თავადაც მონაწილეობს.

რამდენიმე ეპიზოდი:

The Good, The Bad and The Ugly - ამ ფილმის ნებისმიერი კადრი აიღეთ და გააჩერეთ, მიიღებთ ნამდვილ ფოტოშედევრს.

Unforgiven

არ ვიცი რამდენად მოვახერხებ, მაგრამ მისი ყველა ფილმის ნახვა მინდა.

[a]symmetry

2010-03-26T12:47:00.001-07:00

[a]symmetry, originally uploaded by donshakal.

Can Symmetry be Asymmetric?

TGIF = Thanks God Its Friday

კრეატივი – Lamps

2010-03-26T04:10:00.000-07:00

საქართველო

2010-03-25T05:40:00.000-07:00

ჩემს ძველ სურათებს ვათვალიერებდი მთაში გადაღებულს, რომ ამოვწურე მერე ინტერნეტს მივადექი და უცებ ერთმა აზრმა დამკრა: საქართველოს მისამართი გრძედებზე და განედებზე კი არაა. მაღლა, მაღლა უნდა ახვიდე. ზღვის დონიდან უნდა აუყვე საქართველოს. რაც მაღლა ადიხარ, მით უფრო უახლოვდები.

მორჩა, ესაა რისი თქმაც მინდოდა.

პ.ს.

მოკლე ლექსი, ხუთი, ექვსი!

უსათაურო

2010-03-24T06:47:00.001-07:00

so close it is, what we miss, originally uploaded by donshakal.

ლეიბორისტული პოსტი

2010-03-19T01:32:00.000-07:00

მოგატყუეთ,

ამ პოსტს არანაირი კავშირი არ აქვს ჩვენს ცნობილ ლეიბორისტულ პარტიასთან! უბრალოდ ასეთი ინტრიგანული სათაური მომაფიქრდა უცებ. ქართველი ჟურნალისტებივით კი გამომივიდა, სათაური რომ ერთს გეუბნება და შინაარსი მეორეს (თუ საერთოდ რამეს გეუბნება შინაარსი), მაგრამ გპირდებით, პოსტის ბოლოს მათსავით არ გეტყვით "თუ რისი თქმა მინდოდა, ამას მომდევნო პოსტში გაიგებთ"–მეთქი. ეს და პოსტის შინაარსი (მგონი დაგაინტერესებთ) იქნება ჩემი ინტრიგანობისთვის კომპენსაცია თქვენთვის :)

Thanks God, It's Friday - ვამბობ, და დავიწყე:

ირგვლივ სულ წუწუნი მესმის – რამდენს ვმუშაობთ, ძალიან ვიღლებით და ა.შ. წუწუნი მესმის ჩემი თავიდანაც. ჰოდა რომ გამეგო, რამდენად გამართლებულია ჩვენი წუწუნ–ბუზღუნი, პატარა მოკვლევა ჩავატარე ინტერნეტში.

აღმოჩნდა, რომ კვირაში საშუალოდ სამუშაო საათების ხანგრძლივობით ლიდერი ქვეყნები არიან ჰონგ კონგი, კოლუმბია, ინდოეთი, მექსიკა, ნეპალი, პერუ და ტაილანდი. ამ ქვეყნებში კვირაში 48 საათს მუშაობენ! შედარებისთვის, ჩვენი კვირეული სამუშაო საათების რაოდენობა განსაზღვრულია 40 საათით. მაგრამ წუწუნის მიზეზს გვიტოვებს ჩვენი მარადჟამს მანუგეშებელი ევროპა. უმეტეს ქვეყნებში სამუშაო საათების ხანგრძლივობა 40–ს არც კი აღწევს. უფრო კონკრეტულად – საფრანგეთსა და გერმანიაში კვირაში 35 საათს მუშაობენ, ფინეთში 36–ს, დანარჩენ ქვეყნებში კი ძირითადად 37–ს. ევროპამ რომ გაიგოს, ჩვენ 40 საათს ვმუშაობთ კვირაში, შეშფოთდება უეჭველი! საერთოდ აღმოჩნდა, რომ ევროპაში გეზი აქვთ აღებული პროდუქტიულობის გაზრდის ხარჯზე სამუშაო საათების შემცირებისკენ.

კიდევ ერთი საინტერესო სტატისტიკა: თურმე ყველაზე ბევრს ადამიანები 1800–იან წლებში მუშაობდნენ – წელიწადში საშუალოდ 3100–3600 საათს, რაც კვირაში 60–70 საათ მუშაობას უდრის. ყველაზე ცოტას კი 2004 წელს გერმანელი full-time მუშები – წელიწადში 1400 საათს (კვირაში დაახლოებით 27 საათი).

დასვენების დღეებზე გადავიდეთ (შაბათ–კვირა არ იგულისხმება, ცხადია). ყველაზე ბევრი უქმე დღე აღმოჩნდა, რომ ნეპალში აქვთ (24). ისე, მადლია ნეპალისთვის, ისინი ხომ კვირაში 48 საათს მუშაობენ :) ნეპალს ფეხდაფეხ მისდევს ირანი (21), ინდოეთი (21), მიანმა (19) და ჩვენი მეზობელი აზერები (19). კვლავ შევედაროთ: ჩვენ წელწადში 17 დასვენების დღე გვაქვს.

ბონუსად: საინტერესო ფაქტები მსოფლიოს სხვადასხვა ქვეყნიდან

* გვატემალაში ქალები დღეში 11.5 საათს მუშაობენ, სამხრეთ აფრიკაში კაცები კი დღეში 4.5 საათს;

* ჩეხ ან სლოვაკ კაცს ხომ არ ეძებთ? – ქარხნებში ეძებეთ, მათი უმეტესობა სწორედ ქარხნებში ყოფილა დასაქმებული;

* დანიელი მუშები თურმა 150–ჯერ მეტჯერ აწყობენ გაფიცვებს, ვიდრე მეზობელი გერმანელები (გერმანელებს რა ენაღვლებათ, ისედაც 35 საათს მუშაობენ კვირაში);

* სამსახურს ეძებთ? ნუ წახვალთ არალეგალად დასავლეთში ან მომვლელად საბერძნეთში – წადით ფოლკლენდის კუნძულებზე. იქ 100%–იანი დასაქმება და მუშახელის ნაკლებობაა!

* აშშ–ში 18 წლიდან 38 წლამდე საშუალოდ 10 სამუშაო ადგილის გამოცვლას ასწრებენ;

* თურმე სამუშაო ადგილის შეცვლის მიზეზი მხოლოდ 6–14%–ში ხდება ცუდი შედეგები. ძირითადად პირადული მიზეზებით მიდიან ან უშვებენ სამსახურიდან;

აი, სულ ეს იყო. იმედია უკვე დაგავიწყდათ კიდეც ინტრიგანული სათაური.

შაბათ–კვირა მოდის. მხიარულად, ხალხო! :)

იმედგაცრუებული

2010-03-13T09:38:00.000-08:00

რამდენი ხანია გახსნილი მაქვს ახალი პოსტის ფანჯარა, მაგრამ შესაფერის სიტყვებს ვერ ვპოულობ, რომ დავიწყო წერა, გადმოვცე ყველაფერი, რისი თქმაც მინდა...

იმედგაცრუებული, ასე დავარქმევ ამ პოსტს. ხო, იმედ-გაცრუებული ვარ. კიდევ გულდაწყვეტილი და გულაცრუებული.

თავში სულ რამდენიმე სიტყვა მიტრიალებს, უწმაწურობებს აქ არ გავამხელ, სხვა სიტყვებია: პროფესიული ეთიკა, პასუხისმგებლობა, (არა)პროფესიონალიზმი, მარაზმი, სიცრუე, სიყალბე, დედის ... უიჰ, კინაღამ მაინც წამომცდა.

არსებობს "კოსმიური დასჯის მექანიზმი", რომელიც ჩაირთვება ყველასთვის, ვინც უღირსად იქცევა (იქცეოდა) და ეგონა(გონია), რომ ყველაფერი შერჩება...

I am SINGLE

2010-03-05T01:12:00.001-08:00

By დომენიკო

By გოზალანდია

By თევზი

საინტერესო ისტორიები და ფაქტები: დამატებითი სამუხრუჭე ნათურა

2010-03-01T03:41:00.000-08:00

ამასწინათ, მორიგ საცობში მოხვედრისას (გმირთა მოედანზე, ცხადია), ჩემი ყურადღება მიიქცია ავტომობილების ერთმა უმნიშვნელო დეტალმა. საუბარი მაქვს დამატებით სამუხრუჭე ნათურაზე (Centre High Mount Stop Lamp – CHMSL), რომელიც სტანდარტულ გვერდით სამუხრუჭე ნათურებზე უფრო მაღლაა ხოლმე დამაგრებული. რადგან საცობში ვიყავი გაჭედილი, არც რუბიკის კუბიკი მქონდა თან და არც მახათი, თავი რომ გამერთო, დავიწყე ფიქრი მისი შექმნის ისტორიაზე და გადავწყვიტე ჩავძიებოდი ამ ერთი შეხედვით უმნიშვნელო დეტალის წარმოშობის ისტორიას.ძიების პროცესში წავაწყდი რამდენიმე საინტერესო ფაქტს, რომელიც ადასტურებს ამ ერთი შეხედვით უმნიშვნელო დეტალის დიიიდ მნიშვნელობას.

პირველად დამატებითი სამუხრუჭე ნათურა გამოჩნდა ამერიკაში 1968–1971 წლის Ford Thunderbird–ის მოდელებზე. თუმცა დიდი პოპულარობით თავიდან ვერ ისარგებლა. ევროპაში 1980 წლამდე არც ერთი მოდელი არ იყო "აღჭურვილი" CHMSL–ით. მოგვიანებით (ჩრ. ამერიკაში 1986 წლიდან, ავსტრალიასა და ახალ ზელანდიაში 1990 წლიდან და ევროპაში 1998 წლიდან) ავტომობილების მწარმოებლებს ახალი რეგულაციის მიხედვით მოეთხოვათ CHMSL–ის დამონტაჟება ყველა მოდელზე.

შედეგი და ეფექტი მართლაც გასაოცარი აღმოჩნდა. თუკი ერთ კვლევას დავუჯერებთ (სხვა ამ თემაზე ვერ ვნახე), უკნიდან შეჯახებით გამოწვეული ავარიების რაოდენობა ტაქსებსა და სხვა კომერციული დანიშნულების მანქანებში CHMSL–ის შემოღების პირველ წლებში 50%–ით შემცირდა. მომდევნო წლებში ეს მეჩვენებელი (არ ვიცი რატომ, ალბათ შეეჩვივნენ მძღოლები CHMSL–ს) 5%–მდე შემცირდა.

აგრეთვე:

გრძელვადიან პერსპექტივაში ელიან, რომ დამატებითი სამუხრუჭე ნათურები აშშ–ში ყოველწლიურად მძღოლებს თავიდან ააცილებს 92,000-137,000 პოლიციაში რეგისტრირებულ ავარიას, მოახდენს 58,000-70,000 არა–სასიკვდილო დაზიანებისა და $655,000,000 ოდენობის ქონების განადგურების პრევენციას.

აბსურდული პოეზია ანუ დაღლილი ფინანსისტის ერთი ჩვეულებრივი ამბავი

2010-02-26T05:10:00.000-08:00

* * *

–––––––––––––––––––––––––––––––

პარასკევი საღამოა მშვიდი,

სამი, ოთხი, ხუთი, ექვსი, შვიდი,

დავიღალე, მომაწოდე სკამი,

შვიდი, ექვსი, ხუთი, ოთხი, სამი.

ვაი, როგორ მომენატრა ვიქენდი,

ირითმება ახლა კარგად ბიკენტი,

მაგრამ მინდა რითმად რიცხვი მთელი,

six, seven–ი, eight, nine, ten–ი.

მომენატრა ხოშიანი ძილი,

გაიტანეთ პროცენტი და ძირი!

მინდა მქონდეს ჩემი дача – House–ი,

აღარ მინდა ლაგრანჟი და გაუსი!

დამანახეთ თუნდ შორიდან ზღვა,

ოთხი, ხუთი, ექვსი, შვიდი, რვა,

ვეღარ ვფიქრობ რა ვისურვო სხვა მეტი,

14, 15, 16, 17, 18.

პარასკევი საღამოა მშვიდი,

სამი, ოთხი, ხუთი, ექვსი, შვიდი,

ფინანსისტი კვდება, ძვრება თათი,

0, 10, 20, 30.

–––––––––––––––––––––––––––––––––

Beauty is nothing without brains...

2010-02-26T01:22:00.000-08:00

Video #1

Video #2

Video #3

საქართველოს ისტორია – სტატისტიკა

2010-02-25T03:28:00.000-08:00

დღეს 25 თებერვალია, საქართველოს პირველი დემოკრატიული რესპუბლიკის ოკუპაციის დღე (1921). ბევრს დაწერენ და იტყვიან ამ თემაზე, განსაკუთრებულს მე ვერაფერს შემოგთავაზებთ.

მაგრამ დღევანდელი პოსტი მაინც ისტორიულ თემატიკას ეხება.

წარმოგიდგენთ საქართველოს ისტორიას – რიცხვებში:

––––––––––––––––––––––––––––––––––––––––––––––––––––

საქართველოს და მის ნაწილებს სხვადასხვა დროს მართავდა 400 ზე მეტი მეფე თუ მთავარი.

საქართველოში სხვადასხვა დროს მოღვაწეობდა 30 მდე სხვადასხვა დინასტია.
ყველაზე უფრო ხანგრძლივად ზეობდა ბაგრატიონთა დინასტია - 1024 წელი (786-1810წწ.).

საერთოდ ბაგრატიონთა დინასტია ერთ-ერთი ყველაზე უფრო ხანგრძლივია მსოფლიო ისტორიაში, იგი ჩამორჩება მხოლოდ იაპონიის იმპერატორთა დინასტიას რომელიც ზეობის უკვე 2050-ე წელს მოთვლის (ძვ.წ.40 წლიდან).

ბაგრატიონთა დინასტიას კიდევ ერთი მიღწევაა ის, რომ მისი განშტოებები ზეობდნენ სხვადასხვა დროს 7 სხვადასხვა სამეფოსა თუ სამთავროში.

საკმაოდ ხანგრძლივად ზეობდნენ აგრეთვე ჯაყელები - 527 წელი (1268-1795წწ.); ძველი დადიანები - 506 წელი (1185-1691წწ.) და გურიელები 364 წელი (1462-1826წწ.).

ყველაზე ხანმოკლე ზეობა ჰქონდა თბილისის საამიროს ერთ-ერთ, შაბანიანთა დინასტიას - 29 წელი (853-882წწ.).

მეფე-მთავართა შორის ყველაზე დიდ ხანს ზეობდა იბერიის მეფე ფარნავაზი - 65 წელი (ძვ.წ.329-264წწ.).

ხანგრძლივად ზეობდნენ აგრეთვე:

კახეთის მეფე ლევანი - 56 წელი (1518-1574წწ.).

იმერეთის მეფე ბაგრატ III - 55 წელი (1510-1565წწ.).

სამეგრელოს მთავარი ლიპარიტ Iდადიანი - 55 წელი (1414-1469წწ.).

ქართ-კახეთის მეფე ერეკლე II - 54 წელი (1744-1798წწ.).

სამცხის მთავარი ივანე ჯაყელი - 53 წელი (1391-1444წწ.).

ტაშირ-ძორაგეტის მეფე დავით I ანჰოლცი - 52 წელი (996-1048წწ.).

ტაო კლარჯეთის მეფე ბაგრატ I კურაპალატი - 50 წელი (826-876წწ.).

იბერიის მეფე მირიანი - დაახლ. 50 წელი (285-335წწ.).

ყველაზე ბევრჯერ მეფედ იყო არჩილი - 6 ჯერ (ხუთჯერ იმერეთში: 1661-1663, 1678-1679, 1690-1691, 1695-1696,1697-1698წწ. და ერთხელ კახეთში 1664-1675წწ.).

ყველაზე ასაკოვანი ტახტზე ასვლისას იყო როსტომ მეფე (1633-1658წწ.) - 68 წლის.
ყველაზე ახალგაზრდა ტახტზე ასვლისას იყო ბაგრატ IV (1027-1072წწ.) - 9 წლის.

ყველაზე მეტი ცოლი ჰყავდა დავით VII ულუს (1247-1270წწ.) - 4.

ყველაზე მეტი შვილი ჰყავდა ერეკლე II-ს (1744-1798წწ.) - 21 (!!!)

––––––––––––––––––––––––––––––––––––––––––––––––––––

აქვე – საქართველოს რამდენიმე ძველი რუკა:

1. საქართველო ფარნავაზ მეფის დროს

2. საქართველო დავით აღმაშენებლის დროს

3. საქართველო 1150–1220 წლებში

4. საქართველო 2010

მასალები საიტიდან http://www.istoria.ge/index.htm

დღის ვებ–გვერდი

2010-02-22T23:01:00.000-08:00

რა ღირს შენი საიტი?

საინტერესოდ და დამაინტრიგებლად ჟღერს, არა? თუ გინდათ გაიგოთ, რა ღირს დღეს შენი საიტი, ბლოგი მაგალითად, შედი აქ: Your WebSite Value. ამ საინტერესო ვებ–გვერდს ბლოგროლის ერთ–ერთ დისკუსიაში წავაწყდი. მგონი იმსახურებს დღის ვებ–გვერდის წოდებას.

მიუხედავად იმისა, რომ ჩემი ბლოგნოტის გაყიდვას ან გასხვისებას არ ვაპირებ, წმინდად ინტერესის გულისთვის გადავწყვიტე შემეფასებინა და აღმოჩნდა, რომ $10 ღირს ჩემი საიტი.

მინდოდა ჩემი ფლიკრის შეფასებაც, რომელიც ჩემს ბლოგზე გაცილებით პოპულარული და მოვლილია, მაგრამ არ გამოვიდა, მხოლოდ www.flickr.com საიტის ფასს წერს.

სცადეთ თქვენც :)

გაზეთის ქუდი მახურავს

2010-02-21T22:24:00.000-08:00

რა ყოფილა ეს ტემპლეტების არჩევა ბლოგისთვის! სახლის რემონტს გავს ყველანაირად, კარკასიდან დაწყებული, ევრორემონტით დამთავრებული: ჯერ სწორად უნდა გადატიხრო – ერთი სვეტიო, 2 სვეტიო, სამიო, უფრო მეტიცო – ჩემსას 2 უხდება. თან პროპორციებიც კარგად უნდა იყოს განაწილებული, ისევე როგორც სახლში "სტუმრების ოთახი" ყველაზე დიდი, "ლოჯი" პატარა. ჩემი ბლოგი მგონი ერთოთახიანი პროექტია :)) რომ შემოდიხარ მცირე მისაღებია და მარცხნივ შედარებით დიდი სტუმრების ოთახი.

მაგრამ სტრუქტურის არჩევით ხომ არ მთავრდება საქმე. ამ საიტებზე ქექვა–ძიება "ელიავას ბაზრობაზე" პაპანაქება სიცხეში წოწიალის ტოლფასია. ფერი, თემატიკა და ორნამენტები ყველას მოსაწონი და შენი შესაფერისი უნდა იყოს. თან სტუმრებმა კომფორტულად უნდა იგრძნონ თავი.

შემდეგ კომუნიკაციები და ავეჯი. ტეგები, პროფილი, ბმულები, ალბომი, არქივი. ყველაფერი მისაგნებად უნდა იყოს.

მოკლედ ხათაბალა საქმეა. მაგრამ კარკასში ხომ არ ვიქნები აბა?

აი ეს ავარჩიე, რასაც ახლა ხედავთ. მართალია ზოგიერთგან იაღლიშები აქვს (ტეგები და რაღაცეები არჩანს), მაგრამ ერთი კაი ხელოსანი მყავს, HTML–ის ხელოსანი, ხოდა ის მეხმარება.

ასე რომ, ცოტაც გაუძელით ამ მტვერს და აურზაურს. მალე მოეწყობა აქ "ახალმოსახლეობა" :)

ვეუფლები ფოტოხელოვნებას

2010-02-20T23:22:00.000-08:00

ვიღაც წერს, ვიღაც მღერის, ან უკრავს, ვიღაც ხატავს, ძერწავს, ქსოვს. ვიღაც აქანდაკებს, აშენებს, ან ანგრევს, ყველანი რაღაცას ვქმნით. მე სურათებს ვიღებ. არა, ფოტოგარფი არ ვარ, მითუმეტეს - ფოტოხელოვანი. მე უბრალოდ სურათებს ვიღებ.

ბავშვობიდან მიტაცებდა ეს საქმე. ჯერ კიდევ ე.წ. 25 ლარიანი აპარატით მაქვს ბევრი ფირი "გაფუჭებული". განსაკუთრებით - თუ სადმე მივდიოდით მთელი ოჯახი. დავიჭერდი აპარატს და ყველა ხედს ვიღებდი. ბოლოს გვარიანი საყვედურიც მხვდებოდა, რადგან ფირები ისე მთავრდებოდა, ჩემი ოჯახი და მე მხოლოდ რამდენიმე სურათში ვიყავით. ეს რამდენიმე სურათიც სულ მათი ძალისხმევით, თორემ მე არც მომაფიქრდებოდა.

შემდეგ იყო ჩემი პირველი ციფრული აპარატი. ნიკონი. არ მიყიდია, მაჩუქეს. ამან უფრო გააღვივა ჩემი სიყვარული ფოტოგრაფიის მიმართ და უფრო სერიოზულადაც გადავწყვიტე მიდგომა. ნუ, ვთვლიდი, რომ ეს უკვე სერიოზული იყო, ბოლობოლო ნიკონით ვიღებდი :)

აი, ეს არის ჩემი პირველი ციფრული აპარატი:

და ამ აპარატით გადაღებული რამდენიმე სურათი:

ამ აპარატთან ბევრი კარგი მოგონება და კარგი კადრი მაკავშირებს. ძალიან დამწყდა გული, როცა შავი ზღვის წყალი იგემა და დაიწვა. არა, მე არ მომსვლია ეს - ჩემს ტექნიკას ისე ვუფრთხილდები, როგორც სხვა ღირსებებს :)) . ქალს არ უნდა ანდო ტექნიკა - ჩემმა დამ გადაწყვიტა, რომ ტალღები არ იქნებოდა იმ დღეს და ნაპირზე დადო აპარატი. ეს იყო ჩემი ნიკონისთვის საბედისწერო დღე. და ტალღებიც იყო - რასაკვირველია!

გული დამწყდა, მაგრამ დიდხანს არ ვყოფილვარ უაპარატოდ. ჩემი მონდომებით, მეგობრის რჩევით და მშობლების ფულით ვიყიდე Panasonic Lumix DMC FZ50, ანუ ბენჟამენი - ასე დავარქვი. სახელის დარქმევის იდეაც მეგობრისგან მოდიოდა - მის აპარატს ვინსენტი ქვია :)

ჩემი ბენჟამენი უფრო წააგავდა "პროფესიონალურ" აპარატს. რაღა დაგიმალოთ და ამ მსგავსებამ პროფესიონალურთან მომცა დიდი სტიმული გამეღრმავებინა ჩემი ცოდნა ფოტოგრაფიაში. სტილი არ დიდად არ შემიცვლია. ვიღებდი ისევ ყველაფერს, რაც ლამაზი ჩანდა. მაგრამ ახალი აპარატით უფრო მეტი შესაძლებლობებიც მომეცა. თავიდანვე ბენჟის User Guide ჩემი სამაგიდო წიგნი და საუკეთესო მეგობარი გახდა. ახლაც საპატიო ადგილი აქვს ჩემი საწერი მაგიდის უჯრაში და ყველა წიგნ-ბლოკნოტის თავზე დევს! ვერ მოვთვლი, რამდენჯერ მაქვს წაკითხული. არ მინდოდა რამე გამომრჩენოდა. ყოველ ჯერზე ახალს ვსწავლობდი. ამას მოჰყვა ინტერნეტ-სივრცის ათვსება. ჩემი ინტერნეტ-ბრაუზერის ფავორიტებში დიდი ადგილი უჭირავს ფოტოგრაფიასთან დაკავშირებულ ბმულებს.

მაგრამ ერთ დღესაც აღმოვაჩინე, რომ მივადექი ზღვარს, როცა ძნელია შენით უფრო მეტი ისწავლო. დახმარებისთვის ჩემს მეგობარს მივმართე - გაგა კაპანაძეს - ნიჭიერი ახალგაზრდა ფოტოხელოვანია, და უბრალოდ კარგი კაცი. სიამოვნებით დამთანხმდა რამდენიმე გაკვეთილზე. სწავლა გუშინ დავიწყე და პირველმა მასტერკლასმა მისთვისაც და ჩემთვისაც სასიამოვნო გაოცების გარემოში ჩაიარა. ის არ ელოდა, რომ მე უკვე ვიცოდი ბევრი რამ ფოტოგრაფიაში, მე კი უბრალოდ დიდ სიამოვნებას ვიღებდი იმით, რომ რაც პრაქტიკაში ჩემით აღმომიჩენია და შემინიშნავს (სულ ალბათ 20,000-მდე ფოტო მექნება უკვე გადაღებული და მგონი კარგი გამოცდილებაა), იმას უკვე პროფესიონალის ენით ვისმენდი და შესაბამის ახსნას ვუძებნიდი. რამდენიმე დავალებაც მაქვს. ახლა ფილმს ვიწერ - Coffee and Cigarettes. ეს ერთერთი დავალების ნაწილია, დავალება ჩემი სენსეი გაგას მოფიქრებულია და ამიტომ კონკრეტულ დეტალებს ახლა აქ არ მოვყვები. მოუთმენლად ველი შემდეგ მასტერკლასს და დავალებებს. თუმცა, ჯერ ეს დავალებებიც შესასრულებელი მაქვს. დიდ სიამოვნებას ვიღებ სურათების გადაღების დროს. მიყვარს ეს საქმე. ფოტოგრაფია, ეს ცალკე ენაა, ვიზუალური ენა, რომელიც საწყის დონეზე ვიცი ჯერ და მალე იმედია სრულადაც დავეუფლები.

მადლობა კაცს, რომელმაც მაჩუქა პირველი ნიკონი, მადლობა მშობლებს ბენჟამენისთვის, მადლობა გაგას დიდი დახმარებისთვის და მადლობა უფალს, რომ ამდენი სილამაზე გვაჩუქა, მე რომ გადამეღო!

დიდი რაგბი

2010-02-16T23:37:00.000-08:00

ჩვენთვის, ქართველებისთვის, რაგბს ასეთი განმარტება უნდა ჰქონდეს:

რაგბი – ნათელი წერტილი ქართულ სპორტულ რეალობაში

ეს ერთადერთი სპორტული სანახაობაა, რომელსაც ქართველების მონაწილეობით დიდი სიამოვნებით ვუყურებ და ბოლოს თავაწეული და გულანთებული ვტოვებ ტრიბუნას ან ვშორდები ტელეეკრანს. საერთოდაც, რაგბი ერთადერთია არატრადიციულ ქართულ სპორტებს შორის, რომელსაც ყველაზე კარგად ავუღეთ ალღო. ალბათ იმიტომ, რომ (მგონი) ჩვენთან ძველადაც თამაშობდნენ ლელო–ბურთს, თან ეს ვაჟკაცური, აგრესიული სპორტი რაღაც ახლოსაა ჩვენს ხასიათთან.

ქართველი ბორჯღალოსნების [მოკლე] ისტორია

შეიქმნა 1989 წლის შემოდგომაზე და
ნათლობის მატჩში, ქუთაისში 16:3 სძლია ზიმბაბვეს
მობურთალთა ნაკრებებიდან პირველი გავიდა მსოფლიო თასზე და
თანაც ორჯერ (2003, 2007)
სამჯერ (2001, 2005, 2009) იჩაუქა შვიდკაცის მსოფლიო თასზე
სამჯერვე მოიგო ევროპის ერთა თასი (2001 2008 2009) და
ხუთჯერ არა-ოფიციალური "უმცროსი ექვსი ერი" (2001 2005 2007 2008 2009)

მონაგარი 2010 წლის დადგომამდე
21 წელში 116 თამაში (41 შინ, 53 გარეთ, 22 ნეიტრალურზე)
68 მოგება - 43 წაგება * 5 ფრე ^ 2636:2256 (+380) ლ 324-247 (+77)
სულ 198 ბორჯღალოსანი: 79 ბეკი, 112 ფორვარდი და 7 უნივერსალი;
ბეკებმა გაიტანეს 154, ხოლო ფორვარდებმა 170 ლელო

ინფორმაცია საქართველოს რაგბის კავშირის საიტიდან

მსოფლიო რეიტინგში ამჟამად მე–17 ადგილზე ვართ და სულ ცოტათი გვისწრებს რუსეთი. მაგრამ აღმოფხვრადია ეგ! :) სულ მალე, 1 თვეში შევხვდებით და რეიტინგიც მაშინ შეიცვლება!

ბოლო 2 თამაშში ჯერ გერმანიასთან ვივარჯიშეთ შინ (77–3), მერე კი პორტუგალიასტან გვქონდა გასვლა. ეს დაძაბული თამაში იყო, მაგრამ მოვიგეთ (10–16)

ახლა უახლესი მიზნების შესახებ:

2011 წლის მსოფლიო თასის საკვალიფიკაციო ეტაპზე 2 თამაში გვაქვს დარჩენილი. 27 თებერვალს თბილისში ესპანეთს შევხვდებით. მაგრამ უფრო საინტერესო 20 მარტს ტრაბზონში გასამართი შეხვედრაა რუსეთთან. მატჩი ნეიტრალურზე რატომ ტარდება, ვიცით ყველამ. რუსეთში გასამართი შეხვედრაც, ასე ვთქვათ, ნეიტრალურზე გაიმართა – მარიუპოლში (უკრაინა), მაგრამ რამდენად ნეიტრალური იყო ეს სტადიონი და ქალაქი, აქედან გაიგებთ: მარიუპოლი (უკრაინა). მაგრამ იქაც მოვუგეთ (29–21). მოკლედ, ლომები არიან რაა ჩვენები :)

ახლა ტრაბზონშია შეხვედრა და ტურისტული კომპანიები უკვე ყიდიან სხვადასხვა ფასიან საგზურებს (info-tbilisi , adjaratour). მეც ვაპირებ ჩასვლას მეგობრებთან ერთად.

თავიდან ტრაბზონის ცენტრალურ სტადიონზე (ტევადობა 26,000) უნდა გამართულიყო ეს შეხვედრა, მაგრამ ამ დღეს ტრაბზონსპორი გალათასარაის მასპინძლობს და ამიტომ თამაში გაცილებით პატარა სტადიონზე ჩატარდება (ტევადობა 6,200). აქედან 5,500 ბილეთი ქართველებზე გაიყიდება. ფასები არც ისე დიდია და ვინც შევძლებთ წავიდეთ და ვუგულშემატკივროთ ჩვენს ნაკრებს მოედნიდან!

2–ჯერ უკვე ვიყავით მსოფლიო ჩემპიონატზე და მჯერა, მესამედაც გავალთ.

წარმატება ვუსურვოთ ნაკრებს და მადლობა ვუთხრათ ჩვენდათავად ყველა იმ სიხარულისთვის, რაც უკვე გვაჩუქეს და რასაც კიდევ წინ გვიმზადებენ! :)

არც კი ვიცი რა დავარქვა

2010-02-15T05:49:00.000-08:00

არ მითხრათ, რომ არ გიფიქრიათ იმაზე, თუ როგორი იქნებით წლების შემდეგ. ან როგორი იქნებოდით ზანგად რომ დაბადებულიყავით, ან აზიაში, აფრიკაში ან სულაც საპირისპირო სქესის რომ ყოფილიყავით :)) (ნუ ამ უკანასკნელზე რომ არ გეფიქრათ, დასაშვებია).

მეც მიფიქრია, კი, და აი დღეს შემთხვევით წავაწყდი ერთ საიტს, რომელმაც ეს ინტერესი მეტ–ნაკლებად მომიკლა.

ამ ვებ–გვერდს თუ ვენდობით, მე აი ასე გამოვიყურები ახლა:

მაგრამ წლების შემდეგ, აი ასეთი ვიქნები:

აზიაში რომ დავბადებულიყავი, აი ასეთი თვალები მექნებოდა თურმე:

აფრიკელი ლევანი კი აი ასეთი იქნებოდა:

და ყველაზე მაგარი – მე რომ ქალად დავბადებულიყავი:

ძალიან ვიხალისე, თქვენც სცადეთ.

სურათები შექმნილია საიტზე gizmoz

დღის ვებ–გვერდი: საჩუქრები

2010-02-15T04:49:00.000-08:00

ყოველთვის მიჭირს საჩუქრების არჩევა. უმეტესად იმ შემთხვევებში, როცა კონკრეტულს არაფერს ვეძებ. ჰოდა ჩემთვის ძალიან საჭირო საიტს მივაგენი. გიზიარებთ:

www.gifts.com

საიტზე სხვადასხვა სიტუაციის შესაფერის საჩუქრების კატეგორიებთან ერთად ნახავთ ტესტებს, რომელიც დაგეხმარებათ პიროვნების ხასიათის მიხედვით მისი შესაფერისი საჩუქრის არჩევაში. ცოტა დებილურად ჟღერდეს ეს ყველაფერი შეიძლება, მაგრამ ჩემნაირებისთვის საჭირო საიტია :))

Stars Shining Bright above You :)

2010-02-14T08:12:00.001-08:00

თან ვუსმენთ: Dream a Little Dream of Me

Link to: donshakal Photography

ავტომანია

2010-02-14T04:02:00.001-08:00

INSTALLING A HUSBAND

2010-02-11T23:32:00.000-08:00

კვლავ ინტერნეტში ბოდიალისას ნაპოვნი. მე ძალიან ვიხალისე, გიზიარებთ:

Part 1

--------------------------------------------------

Dear Tech Support,

Last year I upgraded from Boyfriend 5.0 to Husband 1.0 and noticed a distinct slow down in overall system performance, particularly in the flower and jewelry applications, which operated flawlessly under Boyfriend 5.0.

In addition, Husband 1.0 uninstalled many other valuable programs, such as: Romance 9.5 and Personal Attention 6.5,
and then installed undesirable programs such as:
NBA 5.0,
NFL 3.0 and
Golf Clubs 4.1.

Also, Conversation 8.0 no longer runs and Housecleaning 2. 6 simply crashes the system.

Please note that I have tried running Nagging 5.3 to fix these problems, but to no avail.

What can I do?

Signed,

Desperate.

--------------------------------------------------

Part 2

--------------------------------------------------

DEAR DESPERATE ,

First, keep in mind,
Boyfriend 5.0 is an Entertainment Package, while
Husband 1.0 is an operating system.

Please enter command: ithoughtyoulovedme.html and try to download Tears 6.2 and do not forget to install the Guilt 3.0 update.
If that application works as designed, Husband 1.0 should then automatically run the applications Jewelry 2.0 and Flowers 3.5.

However, remember, overuse of the above application can cause Husband 1.0 to default to Grumpy Silence 2.5 , Happy Hour 7.0 or Beer 6.1.
Please note that Beer 6. 1 is a very bad program that will download the Farting and Snoring Loudly Beta.
Whatever you do, DO NOT under any circumstances install Mother-In-Law 1.0 (it runs a virus in the background that will eventually seize control of all your system resources.)

In addition, please do not attempt to reinstall the Boyfriend 5.0 program, These are unsupported applications and will crash Husband 1.0.

In summary, Husband 1.0 is a great program, but it does have limited memory and cannot learn new applications quickly. You might consider buying additional software to improve memory and performance. We recommend Cooking 3.0 and Hot Lingerie 7.7.

Good Luck!

Tech Support

დღის ვებ–გვერდი

2010-02-10T05:49:00.000-08:00

ინტერნეტში მორიგი ბოდიალისას წავაწყდი ერთ საინტერესო ვებ-გვერდს და მინდა გაგიზიაროთ. განსაკუთრებით დაგაინტერესებთ და მოგეწონებათ ფოტომოყვარულებს. ეს არის ნიკონის ლინზების სიმულატორი. აქ შეძლებთ მოახდინოთ ნიკონის სხვადასხვა აპარატის და ლინზების შეთავსება და ნახოთ, რა შედეგი მიიღება. ძალიან საინტერესო და სახალისოა, ჩემთვის კი – სასარგებლოც, რადგან აპარატის შერჩევის პროცესში ვარ (ნუ ფაქტიურად გადაწყვეტილი მაქვს ნიკონ D90).

მიყევით ამ ბმულს: Nikkor Lens Simulator

ფოტორეპორტაჟი

2010-02-06T04:55:00.000-08:00

ეს არის ფოტორეპორტაჟი სსიპ თბილისის #200 სკოლიდან (ყოფილი #2 სკოლა-ინტერნატი). აქ სწავლობენ და ცხოვრობენ სპეციალური საჭიროების მქონე ბავშვები. მე იმდენს ვერ გეტყვით ამ ბავშვებზე და მათ ცხოვრებაზე, რამდენსაც თავად მათი ნაწერები. წაიკითხეთ:

აი ასე გაუხარდათ თოვლი :)

აბსურდული დიალოგი

2010-02-04T03:59:00.000-08:00

წარმოგიდგენთ ყველაზე აბსურდული დიალოგების კოლაჟს, რომელიც მსმენია, შევსწრებივარ, ან რომლის მონაწილეც მე თავად ვყოფილვარ. რამდენიმე აბსურდი სულ ახალია, ცინცხალია და სანამ დამვიწყებია, ვწერ!

/მისალმება/

– ვაა გაუმარჯოს! როგორ ხარ?!

– გაუმარჯოს! შენ როგორ ხარ?

– რავი ვაარ რაა, შენ?

– მეც ვაარ რაა.. [არ ვინჩნევთ 2xმოკითხვას] რას შვები, რა ხდება შენკენ ახალი?

– ძველი ყველაფერი იცი? ჰაჰ ჰაჰ ჰაჰ

– [არ გვინდა, მაგრამ ვიცინით] ჰაჰ ჰაჰ ჰაჰ

– რავი მე ძველებურად რაა, შენკენ რა ხდება?

– მეც ეგრე რაა.

– სხვა? [აქ დროა დაასრულო, მაგრამ დიალოგი გრძელდება]

– რავი ისეთი არაფერი.

/ძირითადი ნაწილი/

– ხო მართლა, რა უნდა მეთქვა შენთვის. ანდრიაძეს იცნობდი?

– კი, ლექციებს მიკითხავდა მეორე კურსზე.

– ხო, მოკვდა ეგ

– ??? [???]

– გულით რა. 1 თვეა

– ვა, ძაან მეწყინა, ახალგაზრდა კაცი, ფაქტიურად.

– ხო, საწყალი მაგისები. უი შენ შვილი შეგეძინა, ხო?

– კი, 2 თვის ხდება უკვე. კესო დავარქვით

– კესოო? კაი რაა, რამ დაგარქმევინათ?!

– ??? [???]

/დამშვიდობება/

– კაი წავედი ეხლა მე

– ა წახვედი უკვე? ხო მეც გავდივარ

– კაი, მოიკითხე ნინო!

– ნინო?

– ხო, შენ დას ნინო არ ქვია?

– მე ძმა მყავს მარტო

– ა უი ხო

– კაი აბა მაგრად.

მომიტევეთ, თუ გადაბმები ვერ დავსვი, სხვადასხვა დიალოგებიდანაა ამოკრეფილი, მაინც უცებ დაწერილი პოსტია რა :)

პ.ს. გვარ–სახელები პირობითია

Wolf Moon

2010-01-30T22:11:00.000-08:00

29 იანვრის ღამეს, ალბათ თქვენც შეამჩნევდით, წლის ყველაზე დიდი და კაშკაშა სავსე მთვარე იყო - 14%-ით ფართო და 30%-ით კაშკაშა! მე ჩემი უიღბლობის ამბავში მაინცდამაინც მაშინ არ მქონდა აპარატი თან.

ამიტომ სურათები ფლიკრიდან:

Photos from: Daryl's World TTL, no thneeds needed, Lee Sie.

Virtual Death

2010-01-28T10:19:00.000-08:00

რამ გამახსენა, რამ ამაკვიატებინა - აზრზე არ ვარ, მაგრამ უცებ დავფიქრდი, როცა მოვკვდებით (100 წლის შემდეგ) ჩვენი ვირტუალური სიცოცხლეც ხო მაშინ დამთავრდება? რა თქმა უნდა, რა შედარებაა, ახლოსაც ვერ მოვა ოჯახის და ნათესავების მწუხარებასთან, მაგრამ ვირტუალურ მეგობრებსაც ხომ დავაკლდებით და შეიძლება სერთოდ წლების მერე გაიგონ რომ აღარ ვართ. მოადგებიან FB-ს კარებს, ბლოგს, ფლიკრს და სხვა ნავთსაყუდლებს ჩვენსას და დახვდებათ გაწყვეტილი აზრი, უპასუხო კითხვები... ვაიჰ! ალბათ ანდერძთან ერთად დავტოვებ ჩემს უსერნეიმებს და პასვორდებს :| ხო მიმიხედავთ?!

ჰაიტი Before & After

2010-01-27T22:03:00.000-08:00

სატელიტით გადაღებული სურათები მიწისძვრამდე და მიწისძვრის შემდეგ

1) მთავრობის სასახლე

2) ქალაქი პორტ–ო–პრინსი

3) ისევ პორტ–ო–პრინსი

წყარო: Wired Science

ნელსონ მანდელა

2010-01-27T03:47:00.000-08:00

დაიბადა 1918 წლის 18 ივლისს (91 წლის)

დაიბადა სამხრეთ აფრიკაში

დაბადების სახელია როლილალა მანდელა (Rolihlahla Mandela)

პრეზიდენტობის წლები: 1994–1999

ნელსონ მანდელა არის სამხრეთ აფრიკის რესპუბლიკის ყოფილი პრეზიდენტი. გაპრეზიდენტებამდე ის იყო ანტიაპარტეიდის მოძრაობის აქტივისტი და აფრიკის ეროვნული კონგრესის შეიარაღებული ფრთის ლიდერი. აპარტეიდის წინააღმდეგ ბრძოლის დროს საბოტაჟისა და სხვა კანონდარღვევების გამო მან 27 წელი გაატარა ციხეში. გათავისუფლების შემდეგ 1990 წლიდან მანდელამ აირჩია კონსტრუქციული პოლიტიკის გზა და იბრძოდა რასებს შორის დაპირისპირების აღმოსაფხვრელად.

სიცოცხლის მანძილზე მიღებული აქვს 250–ზე მეტი ჯილდო, მათ შორის ნობელის პრიზი მშვიდობის დარგში 1993 წელს. 2009 წლის ნოემბერში გაეროს გენერალურმა ასამბლეამ 18 ივლისი გამოაცხადა "მანდელას დღედ" მსოფლიოში მშვიდობაში მის მიერ შეტანილი წვლილის აღსანიშნავად.

ნელსონ მანდელას ცნობილი სიტყვები:

"After climbing a great hill, one only finds that there are many more hills to climb"

"For to be free is not merely to cast off one's chains, but to live in a way that respects and enhances the freedom of others"

"I detest racialism, because I regard it as a barbaric thing, whether it comes from a black man or a white man"

"I learned that courage was not the absence of fear, but the triumph over it. The brave man is not he who does not feel afraid, but he who conquers that fear"

"It always seems impossible until its done" ამ სიტყვებს ჩემი ბლოგის Header–ზეც შეამჩნევდით

"There is no such thing as part freedom"

აქვე გირჩევთ, უყუროთ ერთ კარგ ფილმს მანდელას პრეზიდენტობის საწყის წლებზე. ფილმს ქვია Invictus

რეჟისორი: კლინტ ისთვუდი

მონაწილეები: მორგან ფრიმანი, მეთ დეიმონი და ა.შ.
გადაღებულია 2009 წელს

ბლოგერის ფიცი

2010-01-27T02:49:00.000-08:00

ბლოგერებს აქვთ ფიცი? რაღაც ვერ ვნახე მინი–ძებნის დროს. მაშინ მე დავწერ ჩემით:

მე, donshakal, ვდებ ბლოგერის ფიცს:
ფიზიკური მოცლისა და შესაძლებლობის ფარგლებში ვიყო აქტიური ბლოგერი;
ვიყო გულწრფელი და ვწერო მხოლოდ ის, რასაც ვფიქრობ;
დავიცვა ჩემი და არ დავარღვიო სხვისი საავტორო უფლებები;

ამ ფიცს ვდებ ნებაყოფლობით და უანგაროდ

თუ ვინმეს რამე აქვს ჩემი ბლოგერობის საწინააღმდეგო, ახლა თქვას, ან არასოდეს!

არ გაქვთ?
მაშინ ამით ჩემი გაბლოგერების ცერემონიალი დასრულებულია

დაბრუნება

2010-01-27T02:40:00.000-08:00

არ ვიცი რა დავწერო, გარდა იმისა, რომ გადავწყვიტე დავბრუნდე.
ცოტა დარცხვენილი ვარ, რომ მივატოვე ბლოგი ამდენი ხნით.

People chain, or live chain

2008-09-03T06:39:00.000-07:00

იყო ვითომ მილიონნახევარი?

REVOKE THE GAMES

2008-08-22T13:45:00.000-07:00

http://www.revokethegames.com/

WAR

2008-08-22T13:34:00.000-07:00

არ ვიცი რა უნდა დავწერო
არაფრის დაწერაც არ მინდა

მხოლოდ სურათებს დავდებ, ჩემი სათქმელიც ეს იქნება

prime fitness

2008-06-28T09:45:00.000-07:00

სამუშაო საათები:

07:00-23:00 /ორშ-პარ/

09:00-21:00 /შაბათი/

09:00-19:00 /კვირა/

კომფორტული, კეთილმოწყობილი, ზამთარ თბილი ზაფხულ გრილი. აი ასეთია პრაიმ ფიტნესი. ტერიტორიულად არის ბაგების დასაწყისში, კუს ტბის ასახვევთან

პრაისლისტი

ფიტნესი

ერთჯერადი ვიზიტი (1 დღე) 25 ლარი

პერსონალური მწვრთნელი (1 თვე) 290 ლარი

პაკეტები:

ქვემოთ ჩამოთვლილ პაკეტებში შედის ტრენაჟორები, გასახდელი-საშხაპე, ჯაკუზი, საუნა, აუზი

07:00-13:00 (ერთი თვე, ყოველ დღე) 145 ლარი

07:00-23:00 (ერთი თვე, ყოველ დღე) 220 ლარი

კენტი რიცხვები (15 ვიზიტი) 160 ლარი

ლუწი რიცხვები (15 ვიზიტი) 160 ლარი

13:00-18:00 (ერთი თვე, ყოველ დღე) 125 ლარი

შაბათ-კვირა (8 ვიზიტი) 80 ლარი

მხოლოდ აუზი/ჯაკუზი საუნა (ერთი თვე, ყოველ დღე) 100 ლარი

გაგრძელება იქნება

დოფინი

2008-06-25T09:52:00.000-07:00

გულწრფელად მაინტერესებს რამდენმა იცის ამ სიტყვის მნიშვნელობა.
რა/ვინ არის დოფინი?

> თევზი
> ანტიბიოტიკი
> უფლისწული
> ღატაკი
> ქალაქი
> სხვა...

აი მითხარით ახლა, ჩამოთვლილიდან რომელია დოფინი?
ვინც იცის ("ცვეტში"), ნუ გამოაჭენებს მაინცდამაინც...

(ცხოვრების ჯანსაღი) / (ჯანსაღი ცხოვრების) წესი

2008-06-25T09:46:00.000-07:00

როგორც პირობა დავდე, ვარჯიში დავიწყე. ხოდა იმდენად მომწონს ეს პროცესი, რომ გული დამწყდება, თავის დანებება თუ მომიწევს. მივდივარ დარბაზში, შესაფერისი გარემო, მუსიკა, ტრენაჟორები, ყველაფერი რაც გჭირდება. შემდეგ აუზი, სურვილისამებრ...

ყველას მოგიწოდებთ, გამონახოთ დრო ამისთვის.

ეს გართობაცაა და ცხოვრების წესიც.

პ.ს. და წონაშიც დავიკელი!!

რაჩიკა და ლამზირა =)))))

2008-06-14T02:30:00.000-07:00

ჩემი მეგობრების მიერ დაწერილი პოემუკა =))

I თავი

სიამის ლამაზ კუთხეში
სასახლე იდგა მაღალი
მას ბატონობდა ქუმენში
სიამის მამამთავარი

მას ცოლად ჰყავდა ნამინა
და ვაჟიშვილი რაჩიკა
ბიჭი ჯერ ისევ ბავშვია
კანფეტი უყვარს ძალიან

მშობლებს ის ძალზე უყვარდათ
სულ ხელის გულზე დაჰყავდათ
და ჰყიდულობდნენ მანქანას
კომპიუტერს და სხვა მრავალს

მალე დაბერდა ქუმენში
თავით ჩარგულა ბალიშში
ჩაკეტილია ოთახში
სიშტერე უჩანს თვალებში

კვდება ბებერი ქუმენში
ანდერძი უდევს უბეში
რაჩიკა ბანაობს გუბეში
თამაშობს ბინძურ ბუნკერში

მოიხმო ვაჟი ქუმენშიმ
-ნუ ბანაობო გუბეში
საქმე მაქვს დიდი დუშეთში
აგზავნის მამა ქუმენში

თქვა და დახუჭა თვალები
გადაემტვრია მალები
და გაეყინა ხელები
რაჩიკას მოსდის ცრემლები

გახსნა რაჩიკამ ანდერძი
და გადმოკარკლა თვალები
წერია: "წადი დუშეთში,
მოკალი ლორდი დუბეში".

გაგრძელება მალე იქნება :)))))))

3 რამ მაქვს სათქმელი, უმნიშვნელო

2008-06-14T02:17:00.000-07:00

ხო, დიდი ხანია არ განმიახლებია ბლოგნოტი. ასე დამჩემდა, რა ვქნა. ვიგროვებ სათქმელს, ვიგროვებ და მერე ერთ მშვენიერ დღეს ვწერ ერთიანად აქ =)

ამ ბოლოს იმდენად მოცლილი ვარ, რომ ათას სისულელეზე ფიქრის დრო მაქვს. ხოდა შევამჩნიე, რომ დღეში მნიმუმ 5 სხვადასხვა განწყობა მაქვს.

ჰო აი კიდევ: 3 დღე ველოდი ჰოლანდია - საფრანგეთს, ხოდა გუშინ 11-ს რომ მიუკაკუნა და თამაში რომ დაიწყო, ავდექი და დასაძინებლად წავედი. უბრალოდ ჩავთვალე, რომ ძალიან სისულელეა ეს ფეხბურთი.

კალაძემ რომ ცოლი მოიყვანა

2008-06-14T02:03:00.001-07:00

გუშინ ჩემმა დამ მითხრა, კალაძემ ცოლი მოიყვანაო. ვაააა მეთქი. მერე უცებ ჩემი თავი დავიჭირე, რაღაც შემშურდა კალაძის....
მარა რა შემშურდა ნეტა?

მინდა, ანუ არამატერიალური ოცნებები

2008-06-05T07:51:00.000-07:00

რომელი ოცნების ასრულებაა უფრო მარტივი, მატერიალურის თუ არამატერიალურის? მაგრამ, როგორც არ უნდა იყოს, არ აქვს მნიშვნელობა, ცუდი დასაწყისია ამ ჩანახატისთვის. არ შევცვლი, უბრალოდ არ მაქვს მეტი უკეთესის მოფიქრების თავი. არც სურვილი. უბრალოდ ცოტა რამ მინდა ვთქვა...

იცით რა მინდა? მინდა მე მეკუთვნოდეს ჩემი თავი, მინდა ყველა მხედავდეს ისეთს, როგორიც ვარ და არა ისეთს, როგორიც მათ უნდათ რომ ვიყო. მინდა იმდენად მაფასებდეს ყველა, რამდენადაც ვიმსახურებ. მინდა ვიყო ჩვეულებრივი ადამიანი, მინდა ის ვაკეთო, რაც გულით მინდა. მინდა რომ ასეთი ჩანახატის დაწერის მიზეზი აღარ მომეცეს...

აი, ეს არის, რისი თქმაც მინდოდა...

დავიღალე

2008-05-28T02:30:00.000-07:00

აი, რა მღლის ყველაზე მეტად:

უაზრო ლოდინი,

ერთფეროვნება,

უსაქმურობა,

ხოდა ახლა სწორედ რომ დაავიღალე. წინ კიდევ 4 თვე მაქვს თან. პერსპექტივა მაქვს, ნუ იტყვი. რამე საქმე უნდა გამოვნახო. ერევნის ბანკიდან მაინც დარეკონ, მუქთაზე ვიმუშავებ, ოღონდ სახლში არ ვიჯდე, 4 კედელს არ ვასკდებოდე

თან გავსუქდი საშინლად კაცო. 2 კვირაში ათი კილოს მომატება, ეს ნორმალურია? ცხადია არა.

ვარჯიში უნდა დავიწყო

კულტურული შოკი

2008-05-26T13:40:00.000-07:00

დღეს აღმოვაჩინე ევროპა თბილისში

ყბაჩამოგდებული ვიყავი მთელი 2 საათი

მოკლედ ეს მოხდა ახალაშენებულ სოფელში მდებარე სკოლაში. იქ ძირითადად დიპლომატიური კორპუსის წარმომადგენელთა შვილები სწავლობენ. სულ 150 მოსწავლე. ამათგან 5-6 არის ქართველი. როგორც მითხრეს, სწავლის გადასახადი არის $ 18 500, დიახ, სწორედ ამდენი. და კვებაც კი არ შედის ამ საფასურში.

გამახსენდა "ევროპა შულე", რომელიც ბერლინში მაქვს ნანახი. ზუსტად ისეთია, ერთი ერთში

ეს უბრალოდ უნდა ნახოთ

სურათების გადაღება ვერ მოვასწარი, ცოტა მომირიდა კიდეც :))

ეს სურათი სადემონსტრაციოა, just decor :)

მატერიალური ოცნებები

2008-05-25T03:07:00.000-07:00

მინდა:

> სოპრტული მანქანა;
> სახლის კინოთეატრი;
> ოთახი ბილიარდის მაგიდისთვის;
> სათვალეების კოლექცია;
> საათების კოლექცია;
> ჩემი ბიბლიოთეკა;

ეს ყველაფერი სახლში, ქალაქგარეთ...

პ.ს. რა საშინელებაა...

უცებ

2008-05-23T10:18:00.000-07:00

მომენატრა უცებ ძალიან

იცით რა მომენატრა?

აი მეგობრები რომ შევიკრიბებოდით

ვიღაც რომ დააგვიანებდა და მაგრად რომ გავლანძღავდით, გავაწითლებდით და მერე ჩავეხუტებოდით

გოგოების გაწყობილ სუფრას რომ აბუჩად ავიგდებდით და მერე იმათაც რომ ჩავეხუტებოდით

ჩვენს სადღეგრძელოებს რომ დასცინებდნენ ჩუმად გოგოები, ჩვენ რომ გავიგებდით და იქედნურად რომ გადავხედავდით, თქვენ რა იცითო

საღერღელი რომ აგვეშლებოდა და სიმღერა რომ მოგვინდებოდა, მაგრამ უცოდინრობის გამო სხვის ნამღერს რომ ვისმენდით

სულელური აზრებიდან ყველაზე ჭკვიანურს რომ ამოვარჩევდით და ბავშვებივით ვითამაშებდითბევრნი რომ ვიმხიარულებდით...

:) :) :)

Home, Sweet Home

2008-05-23T10:00:00.000-07:00

მინდა სახლი, ჩემი, თბილიც, გრილიც

მთავარია იყოს მყუდრო

რომელსაც წავაწერ: home, sweeeeet home

და ძალიან მაგარი ის არის, ვიცი, მექნება

ერთ-ერთი მიზანია ჩემი

*** (კიდევ ერთი)

2008-05-23T09:31:00.000-07:00

როგორც წინასიტყვაობა

ისე შემოვიდა ბაქანზე შემოდგომა, რომ მგონი არავინ დახვედრია, არათუ შეგებებია. სხვათა შორის, დიდი განსხვავებაა დახვედრასა და შეგებებას შორის. არადა რა გახდა ერთი პატარა მისალმება?! მიესალმე და შენც კმაყოფილი ხარ - ისიც. ტორტის გამოცხობა სულაც არაა საჭირო, არც ბრჭყვიალებისა და სანთლების ყიდვა. უბრალოდ, დილით რომ გაიღვიძებ, კალენდარს 31 აგვისტოს მოახევ, ან ტელეფონს დახედავ, ან ახალ გაზეთზე აღმოაჩენ, რომ დღეს უკვე პირველი სექტემბერია, შემოდგომის პირველი დღე, დღე, როცა მრავალი წლის განმავლობაში ბავშვები სკოლისაკენ მიდიოდნენ (კვირაც რომ ყოფილიყო მაინც წავიდოდნენ მგონი!!!) მშობლებთან ერთად ყვავილებით ხელში, დავარცხნილები, გუშინთეთპერანგნაყიდები, გულში ისეთი განცდით, რომელიც ძნელია რამეს შეადარო, დღე რომლითაც იწყება ყველაზე მრავალფეროვანი 91 დღე, იწყება რთველის, მანდარინობის სეზონი, და შენ ღრმად ჩაისუნთქავ ჰაერს, რომელიც გუშინდელისგან განსხვავებული მოგეჩვენება (რაც შეიძლება სულაც არ იყოს სინამდვილეში ასე). მაშინ დატკბები ცხოვრებით და იგრძნობ რომ ადამიანი ხარ და არა მომართული მანქანა, რომლისთვისაც სულ ერთია 1 სექტემბერი იქნება თუ 30 აგვისტო. ჩვენში რომ ერთი ბავშვი მაინც ყოფილიყო (ბავშვები სხვანაირად განიცდიან ყველაფერს), მორცხვად ამდენ დიდში, მაგრამ მაინც, სადღაც გაურევდა "დღეს პირველი სექტემბერია, შემოდგომა დადგა"-ს.

ზემოთთქმულიდანაც შეამჩნევდით, რომ რაღაცნაირად შევიცვალე ამ ზაფხულში, უფრო მეტად კი ამ ბოლო ხანს. მეც, ისევე როგორც თქვენ, დამავიწყდა შემოდგომის მოლოცვა, ძალიან დამწყდა გული, ახლა 1-ით ნაკლები შემოდგომის მილოცვა შემიძლია. ძალიან რომ არ შევყვე გადაკრულ ლაპარაკს, მოკლედ მოვჭრი და მთავარ სათქმელზე გადავალ. ვინ ვიყავი თქვენ კარგად იცით, ზოგი მიცნობთ კიდეც. ვიღაცას ალბათ მოვწონდი ასეთი, ვიღაცას ვაღიზიანებდი, ზოგსაც სულ არ აინტერესებდა როგორი ვიყავი, არც სამომავლოდ არის იმედი, რომ დააინტერესებს, მაგრამ ეს არაა მთავარი. ხდება ხოლმე რაღაც, რაც ადამიანს ცვლის.ამაზე ერთი ამბავი გამახსენდა. ამას წინათ ერთ ჩემს მეგობარს ველაპარაკებოდი. ის მიმტკიცებდა, რომ ადამიანები არ იცვლებიან, იცვლება მხოლოდ შენი მათდამი დამოკიდებულება. სხვათა შორის, ამას რეალური ფაქტებითაც ასაბუთებდა ისე, რომ გამიჭირდა შედავება. მე მაინც მყარად ვიდექი ჩემს აზრზე, რომ ადამიანები იცვლებიან, მხოლოდ ამის შემდეგ გეცვლება მათდამი დამოკიდებულება შენ. რომელი ვიყავით სწორი, თქვენ განსაჯეთ. საბოლოოდ ვერაფერზე შევანხმდით, თუმცა მაშინ გავიფიქრე, რომ ადამიანი როგორიც იბადება ისეთივე რჩება და რადგან ჰომოს კარგი უნარი აქვს სიტუაციასთან ადაპტაციისა, დროდადრო ავლენს გარემოს შესამაბისაც ხან ბრჭყალებს, ხან კი ამურის ისრებს ისვრის.სათქმელს დავუბრუნდეთ. როცა იცვლები, ეს ნიშნავს, რომ რაღაც მნიშვნლოვანი მოხდა შენს თავს და თუ მომართული მანქანა არ ხარ, მაშინვე ინტერესდები, რატომ შეიცვალე, ან დარჩები თუ არა ასეთი ბოლომდე. ამას თუ დაემატება ბევრი თავისუფალი დრო (ზაფხული მისწრებაა) ფიქრისთვის და შეიძლება ორიოდ საინტერესო წიგნი, რომელიც თავის მხრივ დაგაფიქრებს, შეიძლება დიდი მოაზროვნე და ფილოსოფოსი აღმოაჩინო შენში (აქვე გავიხსენოთ, რომ ფილოსოფია არის ის "რაც მე საკუთარ ტავს მიბრუნებს" კარლ იასპერი). მთელი ამ ფიქრის, საკუთარ თავთან დისკუსიისა და კამათის საუკეთესო შედეგი იქნება, თუ აღმოაჩენ, სინამდვილეში ვინ ხარ და რა გინდა. ამას აუცილებლად მოყვება უფრო მთავრის გაგება, ესაა შეიცნო შენ ირგვლივ მყოფნი, ცოტა ხნით მაინც დაფიქრდე იმაზე, რა მოსწონთ მათ, რას განიცდიან, რა ტკივათ. და თუ ბოლოს იმასაც ინატრებ, რომ ცოტა ხანს გაგყვეს ასეთი ზნე, გვირაბის ბოლოს ნათელსაც დაინახავ და კიდევ მანქანის საბურავზე ფეხშემოდებულ დონშაკალს, რომელიც გეტყვის: გაიღვიძე, ფარული კამერაა!!!! (აქ ხოხმა სიცილაკებსაც დავუმატებდი, მაგრამ მეშინია მავანმა თავიდანმე დასასრული არ წაიკითხოს და მთელი ეს ბოდვა ერთი ხელის მოსმით წყალში არ ჩამიყაროს). მორალი: იფიქრე ზომიერად (რომ ჩემსავით არ გარეკო) და გაერთე სრული სვლით, მოკლედ, შეირგე ცხოვრება, თორემ ცხოვრება შეგირგებსპ.ს. ბოლო ფრაზის სხვა ინტერპრეტაციაც არსებობს, თუმცა მგონი ეს ბევრად უხდება აქ.

დიდი სიყვარულით,

დონშაკალი,

რომელიც დაბრუნდა!

Sept. 5, 2007